भारत बंद के असर सबेरे से देश भर में देखाई देता। आरक्षण बचाओ संघर्ष समिति के ओर से आज यानी 21 अगस्त के भारत बंद बोलावल गइल बा। भारत बंद के मिश्रित प्रभाव बिहार के आरा में भी दिखाई देता है। एकरा संगे-संगे आरा-भोजपुर ट्रेन के रफ्तार भी रोक दिहल गइल बा। प्रदर्शनकारी सड़क के आग लगा के जाम कs देले बाड़े।
दरअसल भोजपुर में भारत बंद के समर्थन में विभिन्न दल के नेता आरा रेलवे स्टेशन के जाम कs देले। मैसूर रानी कमलापति सहरसा ट्रेन के रोक के विरोध कइल जाता। एह मौका पर आरपीएफ आ जीआरपी पुलिस मौजूद बा। एकरा संगे-संगे डीएम आ एसपी मौका पs पहुंचले आ प्रदर्शनकारी के पटरी खाली करे खातीर राजी कs देले। एकरा बाद प्रदर्शनकारी कलेक्ट्रेट के लगे पहुंच के अंबेडकर चौक के जाम कs देले। जाम के रोके वाला प्रदर्शनकारी में भाकपा, बसपा, राजद आ लोजपा रामविलास जइसन दल के कार्यकर्ता शामिल रहले।
गौरतलब बा कि अनुसूचित जाति आ अनुसूचित जनजाति में मलाईदार परत यानी अनुसूचित जनजाति आरक्षण पर सुप्रीम कोर्ट के ओर से दिहल फैसला के खिलाफ आज बहुत संगठन भारत बंद के आह्वान कइले बाड़े। एकरा अलावे बसपा आ राजद जइसन दल भी बंद के समर्थन कइले बाड़े।
दरअसल दलित आ आदिवासी संगठन हाशिया पर पड़ल समुदायन के मजबूत प्रतिनिधित्व आ सुरक्षा के मांग करे खातिर ई बंद बोलवले बाड़े। राष्ट्रीय दलित आ आदिवासी संगठन संघ (एनएसीडीएओआर) अनुसूचित जाति, अनुसूचित जनजाति आ अन्य पिछड़ा वर्ग (ओबीसी) खातिर न्याय आ समानता समेत माँग के सूची जारी कइले बा।
