बनारस हिन्दू विश्वविद्यालय से पढ़ाई करे के इच्छुक छात्रन खातिर एगो बड़हन खबर बा. बनारस हिन्दू विश्वविद्यालय में 15 गो नया पाठ्यक्रम बनावल गइल बा. कमाल के बात इs बा कि एs सभ कोर्स खातीर आपके एक रुपिया ले फीस के रूप में ना देवे के पड़ी। बीएचयू के ई कोर्स बिल्कुल मुफ्त में पढ़ल जा सकेला। बीएचयू के मुफ्त कोर्स के सगरी विवरण रउरा आधिकारिक वेबसाइट bhu.ac.in पs देख सकीलें.
बीएचयू फ्री कोर्स में का पढ़ावल जाई?
बीएचयू के संकाय सदस्य भविष्य के जरूरत के ध्यान में राखत नया कोर्स के डिजाइन बनवले बाड़े। एह सब से विद्यार्थियन के बहुते फायदा होखी आ एह सर्टिफिकेट कोर्सन के माध्यम से ओह लोग के नौकरी भी मिल जाई. बता दीं कि बीएचयू फ्री कोर्स में विद्यार्थियन के मैनेजमेंट, कॉमर्स, साइंस, मेडिकल, सोशल साइंस आ फिलॉसफी समेत कई गो विषय पढ़ावल जाई. SWAYAM के माध्यम से इs सभ कोर्स बिल्कुल मुफ्त में उपलब्ध करावल जाई। एकरा खातिर SWAYAM वेबसाइट swayam.gov.in पs प्रोफाइल बनावे के पड़ी.
बीएचयू फ्री कोर्स : बीएचयू फ्री कोर्स के टाइमलाइन
बनारस हिन्दू विश्वविद्यालय के कुछ मुफ्त कोर्स के टाइमलाइन रउआ इहाँ देख सकेनी। अउरी विवरण भी जल्दिए जारी कईल जाई-
1- भूविज्ञान के मूल सिद्धांत – 22 जुलाई (12 हफ्ता)
2- टॉक टाइम जर्मन – 22 जुलाई (12 हफ्ता)
3- ट्राइबल एंटरप्रेन्योरशिप एंड इकोनॉमिक्स – 22 जुलाई (12 हफ्ता)
4- प्रबंधन के सिद्धांत – 22 जुलाई (12 हफ्ता)
5- क्लासिकल मैकेनिक्स (I) – 22 जुलाई (12 हफ्ता)
6- जापानी पाठ आ व्याकरण (1) – 19 अगस्त (8 हफ्ता)
7- लाइब्रेरी ऑटोमेशन एंड नेटवर्किंग – 19 अगस्त (8 हफ्ता)
8- डिजिटल मार्केटिंग स्ट्रैटेजी – 19 अगस्त (8 हफ्ता)
9- रेडिएशन फिजिक्स – 19 अगस्त (8 हफ्ता)
10- डिजिटल लॉजिक एंड सर्किट सिमुलेशन – 19 अगस्त (8 हफ्ता)
11- मराठी भाषा परिचय (1) – 19 अगस्त (4 हफ्ते)
BHU-SWAYAM कोर्स खातिर आवेदन कईसे कईल जाला?
बीएचयू फ्री कोर्स में एडमिशन लेबे खातिर विद्यार्थियन के swayam.gov.in पs आपन खाता बनावे के पड़ी. अगर राउर खाता पहिले से बनल बा तs अपना आईडी पासवर्ड से लॉगिन करीं. लॉग इन कइला के बाद ‘सब कोर्स’ पs क्लिक कs के सगरी कोर्स के जाँच करीं. जवन कोर्स करे के बा ओकरा पs क्लिक करीं. ओकरा बाद ऊपर दिहल ‘जॉइन’ बटन पs क्लिक क के रजिस्ट्रेशन कराईं. SWAYAM के वेबसाइट swayam.gov.in पs कोर्स से जुड़ल हर विवरण के जांच करीं.
बीएचयू फ्री कोर्स सर्टिफिकेट कईसे मिली?
बीएचयू फ्री कोर्स पूरा कइला के बाद विद्यार्थियन के सर्टिफिकेट भी दिहल जाई. बाकिर ध्यान रहे कि बीएचयू फ्री कोर्स सर्टिफिकेट खाली ओ छात्र के दिहल जाई, जवन कि कोर्स खातीर निर्धारित औसत असाइनमेंट स्कोर अवुरी परीक्षा स्कोर हासिल कs लेले बाड़े। अगर दुनो मापदंड में से कवनो एक मापदंड भी पूरा ना भईल तs आपके प्रमाणपत्र ना दिहल जाई। एह प्रमाणपत्र में राउर नाम, फोटो आ मार्क्स लिखल जाई. एकरा में बीएचयू अवुरी आईएनआई के लोगो होई। एकर हार्डकापी ना भेजल जाई.
