भोजपुरी स्टार : फिल्म जगत में नाम आ काम बदलल आम बात बा! इ बात अक्सर बॉलीवुड में देखे के मिलेला, लेकिन भोजपुरी सिनेमा में बहुत जादे स्टार आपन असली पहचान छिपा देले बाड़े। आईं जानल जाव…
रानी चटर्जी
रानी चटर्जी अबले भोजपुरी सिनेमा में 250 से अधिका फिलिमन में काम क चुकल बाड़ी। आलम इहे ह कि उनुका के भोजपुरी सिनेमा के रानी भी कहल जाला। असल में रानी 2004 में अपना पहिला फिल्म के बाद आपन स्क्रीन नाम बदल दिहली। रानी के असली नाम साहिबा शेख ह।
बतावल जाता कि रानी चटर्जी के पहिला फिल्म ‘ससुरा बड़ा पैसावाला’ साल 2004 के दौरान रिलीज भईल रहे। एह फिलिम के शूटिंग एगो मंदिर में भइल, जवना में सीन के मांग के चलते उनुका रोज माथा टेके के पड़ल। एक बेर शूटिंग के दौरान बहुत लोग उहाँ आईल रहले। जब उ अभिनेत्री के नाम पूछले त उ घबरा गईली अवुरी उनुकर नाम रानी चटर्जी बतवली। त खाली एही नाम से मशहूर भइली।
खेसारी लाल
भोजपुरी सिनेमा के दिग्गज सितारन के बात कइल जाव त खेसारी लाल के नाम जरूर लिहल गइल बा। रउरा सभे के ई जान के अचरज होई कि खेसारी लाल के असली नाम शत्रुघ्न कुमार यादव ह, लेकिन इंडस्ट्री में आवे से पहिले उ आपन नाम बदल देले। बस एही नाम से ऊ भोजपुरी सिनेमा के सुपरस्टार बन गइलन।
रवि किशन
राजनीति में आपन जगह बनावे वाला रवि किशन बॉलीवुड के संगे भोजपुरी इंडस्ट्री में भी सफलता हासिल कईले बाड़े। हालांकि सिनेमा के दुनिया में कदम रखे से पहिले रवि किशन भी आपन नाम बदल देले। असल में उनकर असली नाम रविन्द्रनाथ शुक्ल ह।
मोनालिसा
भोजपुरी सिनेमा के महिला सुपरस्टार मोनालिसा के नाम बदले वालन के सूची में भी शामिल कइल गइल बा। उनकर असली नाम अंतरा विश्वास ह, बाकिर परदा खातिर ऊ मोनालिसा के नाम रखली आ मशहूर हो गइली। रउरा सभे से बता दी कि सोशल मीडिया पs मोनालिसा के लाखों प्रशंसक बाड़े, जे नवीनतम तस्वीर के इंतजार करत रहेलें।
निरहुआ
भोजपुरी सिनेमा के एक्शन फिलिमन के बात कइल जाव त निरहुआ के ओह लोग के राजा मानल जाला। निरहुआ भी नाम बदले के मामला में केहु से पीछे ना रहले। निरहुआ के असली नाम दिनेश लाल यादव ह, लेकिन ग्लैमर के दुनिया में कदम रखे से पहिले उ आपन नाम बदल लेले।
