एक बेर फेरु बिहार के भोजपुर जिला में पुलिस के खुलेआम चुनौती देत दु दल के बीच गोलीबारी भईल। बियाह के जुलूस के दौरान गोलीबारी के घटना में दु लोग के मउत हो गईल। तीन जने गंभीर रूप से घायल हो गईले। मामला गड़हनी थाना क्षेत्र के लहरपा गांव के हs।
झगड़ा कुछ ही देर में खूनी विवाद में बदल गईल
जहां बियाह के जुलूस के समय गांव में पहिले के विवाद के चलते झगड़ा के घटना भईल। कुछ ही समय में विवाद खूनी मोड़ ले लिहलस। गांव के कुख्यात अपराधी अंधाधुंध फायरिंग शुरू कs देले। गोली लगला के चलते राहुल अवुरी सोनू नाम के दु युवक के मउका पs मउत हो गईल। हस्तक्षेप करे के कोशिश करत तीन लोग के भी मउका पs गोली मारल गईल अवुरी उs लोग घाही हो गईले।
पुलिस टीम मउका पs पहुंच गईल
एह घायलन के इलाज खातिर आरा सदर अस्पताल ले आवल गइल. जहां दु लोग के हालत गंभीर बनल बा। हालांकि घटना के जानकारी मिलते भोजपुर के एसपी श्री राज समेत भारी संख्या में पुलिस बल लहरपा गांव पहुंच गईल।
इहो पढ़ीं: सबेरे-सबेरे: करीं इs 3 गो योगासन, तेजी से बढ़े लागी रुकल हाइट
