खेत देखे गइल दुबौलिया इलाका के दु किसान के अचानक करंट लाग गइल, जवना के चलते दुनो किसान के मौत हो गइल। ई खबर सुनला के बाद गाँव में आक्रोश मच गइल। मिलल जानकारी के मुताबिक आज सबेरे दुनो किसान खेत देखे गइल रहले बिजली के खंभा में 11000 वोल्ट के बिजली के धारा रहे, जवना के चलते एगो किसान ओकरा में फंस गइल।
जब दोसर किसान ओकरा के बचावे खातिर भागल तऽ ओकरो करंट लाग गइल, जवना के चलते दुनो के मौत हो गइल। परिवार के दुनो लोग के हालत बहुत खराब बा। मरेवाला लोग के पहचान किशनलाल (64) आ भलाई यादव (42 साल) के रूप में भइल बा।
