अनगिनत लोग के आस्था के प्रतीक भगवान श्री राम के मंदिर जल्दिए अयोध्या में बने जा रहल बा। 22 जनवरी 2024 के होखे वाला प्राण प्रतिष्ठा कार्यक्रम के तइयारी पूरा अयोध्या में जोर शोर से चल रहल बा। बियफ़ें के यूपी के सीएम योगी आदित्यनाथ भी मंदिर निर्माण कार्य के निरीक्षण कईले। साथही अब खबर आ रहल बा कि सीएम योगी 22 जनवरी यानी प्राण प्रतिष्ठा कार्यक्रम के दिन अयोध्या के सगरी होटल आ धर्मशाला में अग्रिम बुकिंग रद्द करे के निर्देश जारी कइले बाड़न।
सगरी बुकिंग रद्द होखे के चाहीं – सीएम योगी
उत्तर प्रदेश के मुख्यमंत्री योगी आदित्यनाथ बियफ़ें के निर्देश देले बाड़े कि प्राण प्रतिष्ठा समारोह में बोलावल लोग के सुविधा अवुरी समारोह के गरिमा के देखत इs जरूरी बा कि आम जनता के ओर से पहिले से जवन व्यवस्था के होटल/धर्मशाला में… 22 जनवरी के तारीख खातिर रद्द कs दिहल जाव, जल्दी से जल्दी बुकिंग रद्द कs दिहल जाव। साथही एह होटल/धर्मशाला में निवास खातिर बोलावल सम्मानित लोग के प्राथमिकता दिहल जाव।
समारोह के संबंध में निर्देश
धार्मिक नगर अयोध्या में आज आयोजित तैयारी बैठक में मुख्यमंत्री योगी आदित्यनाथ के ओर से 22 जनवरी 2024 के प्रस्तावित अभिषेक समारोह के संबंध में भी निर्देश दिहल गईल।उs निर्देश देले कि विशेष आयोजन के देखत स्थानीय प्रशासन के श्री राम जन्मभूमि तीर्थ क्षेत्र ट्रस्ट के ओर से आमंत्रित सम्मानित लोग के ठहरला में उचित सहयोग देवे के चाही।
ई पीएम मोदी समेत एह होखीहें अतिथि
पीएम मोदी 22 जनवरी 2024 के अयोध्या राम मंदिर में होखे वाला प्राण प्रतिष्ठा कार्यक्रम में मुख्य अतिथि के रूप में शामिल होईहे। पीएम के अलावे कवनो क्षेत्र में देश के शान ले आवे वाला सभ प्रमुख लोग के भी बोलावल गईल बा। एकरा संगे करीब चार हजार संत के नेवता भेजल गईल बा। सभ शंकराचार्य, महामण्डलेश्वर, सिख आ बौद्ध पंथ के शीर्ष संत के बुलावा गइल बा। नारायण, आर्ट ऑफ लिविंग, गायत्री परिवार, किसान, कला जगत के प्रमुख लोग के नेवता दिहल गईल बा। 1992 से 1984 के बीच सक्रिय पत्रकारन के भी बोलावल गइल बा। कर सेवकन के परिवार के भी नेवता भेजल गईल बा।
Comments are closed.