अयोध्या श्री राम मंदिर 25 जनवरी से आम लोग खातिर खुली। भक्त अयोध्या जाए खातिर अतना बेताब बाड़े कि बिहार के दरभंगा से गोरखपुर-अयोध्या होत आनंद विहार टर्मिनल दिल्ली जाए वाली अमृत भारत एक्सप्रेस ट्रेन के सगरी सीट 05 फरवरी ले भर गइल बा ।एकरा अलावे वंदे भारत में भी बुकिंग तेजी से चल रहल बा। अयोध्या होत गोरखपुर-यशवंतपुर में भी स्लीपर क्लास के सीट भरल बा।
गोरखपुर से अयोध्या के बीच खाली वंदे भारत आ भटनी-अयोध्या के सवारी ट्रेन नियमित रूप से चलेली सs। एकरा अलावे गोरखपुर-यशवंतपुर एक्सप्रेस मंगल के सप्ताह में एक बेर अयोध्या होत जाला। ऑनलाइन टिकट बुकिंग के काम करे वाला राजेश दुबे के कहनाम बा कि पहिले गोरखपुर से अयोध्या जाए वाली ट्रेन में बहुत कम लोग सीट बुक करावे आवत रहले, लेकिन अब अयोध्या खातीर रोज टिकट बुकिंग होखता। सोमार के भी बहुत लोग 25 तारीख के टिकट चाहत रहले। हालांकि टिकट सिर्फ वंदे भारत में मिलता।
आस्था स्पेशल ट्रेन 30 जनवरी के गोरखपुर से अयोध्या खातिर जाई
आजमगढ़ से गोरखपुर होत अयोध्या धाम जाए वाली आस्था एक्सप्रेस 30 जनवरी के चली। उहाँ के श्रद्धालु लोग के दर्शन देला के बाद उ 31 जनवरी के गोरखपुर वापस आ जइहें। एह ट्रेन के संचालन आईआरसीटीसी करी। श्री राम मंदिर में प्राण प्रतिष्ठा के बाद अयोध्या जाए के भक्तन में बहुत उत्साह बा। एकरा के देखत रेलवे बोर्ड देश के हर कोना से आस्था एक्सप्रेस चलावे के फैसला कईले बा। जवना रेलवे जोन से आस्था स्पेशल ट्रेन गुजरी ओकर निगरानी ओह जोन के रेलवे अधिकारी करीहें।
