पाकिस्तान के भारत के इलाका में मिसाइल चलावे के बाद दुनो देश के बीच तनाव बढ़ गईल बा। सीमा प भारतीय सेना अवुरी पाकिस्तान सेना के बीच गोलीबारी जारी बा। 8 मई के रात पाकिस्तान सेना कई गो सीमावर्ती राज्यन आ ओह लोग के शहरन पs मिसाइल हमला कइलस. एहमें से अधिकतर मिसाइल भारतीय सेना के हवाई रक्षा प्रणाली का माध्यम से हवा का बीच नष्ट कर दिहल गइल. बता दीं कि भारत के इलाका में पाकिस्तानी सेना के ओर से 100 से जादा मिसाइल चलावल गईल। उ सब मिसाइल भारतीय सेना नष्ट क देले रहे। एकरा अलावे भारतीय सेना के वायु रक्षा प्रणाली के ओर से तीन लड़ाकू विमान के गिरा दिहल गईल बा। एकरा अलावे अवाक्स सिस्टम के भी भारतीय सेना नष्ट क देले बा।
सरकार सबेरे प्रेस कांफ्रेंस करी
एही बीच भाजपा नेता निशिकांत दुबे एगो बड़ बयान देके कहले बाड़े कि सरकार आज सबेरे प्रेस कांफ्रेंस करी। संभावना बा कि सरकार सबेरे होखे वाला प्रेस कांफ्रेंस में एह हमला से जुड़ल जानकारी साझा कर सकेले. बता दीं कि 8 मई के रात में पाकिस्तानी सेना मिसाइल से भारतीय इलाका प हमला कईले रहे अउरी पाकिस्तानी लड़ाकू विमान भारत के सीमा में घुसे के कोशिश कईले रहे| अइसना में एक तरह से ई युद्ध के काम ह. एहीसे भारतीय सेना पाकिस्तान के तीन लड़ाकू विमान के गिरा देले बिया। पाकिस्तान के ओर से छोड़ल गईल मिसाइल के भी भारतीय सेना हवा में नष्ट कs देले रहे।
भारत पाकिस्तान के डिफेंस सिस्टम के तबाह कs दिहलस
भारत अपना जवाबी कार्रवाई में लाहौर में स्थित पाकिस्तान के AWACS (Airborne Warning and Control System) के तबाह क देले बा। एकरा अलावे भारत पाकिस्तान के फैसलाबाद, सरगोधा, मुल्तान अवुरी सियालकोट शहर में भी रक्षा प्रणाली के तबाह क देले बा। एही बीच विदेश मंत्री एस जयशंकर के बयान सामने आईल बा, उ कहले बाड़े कि पाकिस्तान के हमला के कड़ा जवाब दिहल जाई। विदेश मंत्री डॉ. एस जयशंकर इटली के उपप्रधानमंत्री आ विदेश मंत्री एंटोनियो ताजानी से बात कइलन. आतंकवाद से निपटे खातिर भारत के प्रतिक्रिया पर निर्भीकता से चरचा कइल. विदेश मंत्री डॉ. एस.जयशंकर अपना ट्वीट में पाकिस्तान के कड़ा चेतावनी दिहले बाड़न कि अगर ऊ भारत पर कवनो सैन्य हमला कर दी तs ओकर जवाब बहुते कड़ा आ कठोर तरीका से दिहल जाई.
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
