अमेठी पुलिस : अमेठी के पुलिस अधीक्षक डॉ. इलामारन बतवले कि पुलिस के जानकारी दिहल गईल। मामला संदिग्ध लागता। परिवार के लोग से अबे ले कवनो तहरीर नईखे दिहल गईल। गाँव में पुलिस बल तैनात क दिहल गइल बा आ मामिला के छानबीन हो रहल बा।
उत्तर प्रदेश के अमेठी के पिंडारा गांव में गुरुवार के देर रात पंप सेट पे रखवाली करत एगो युवक पे अज्ञात बदमाश गोलीबारी कईले। घाही युवक के मरल समझ के बदमाश मौका से फरार हो गईले। जानकारी मिलला के बाद जब गांव के लोग मौका पे पहुंचले त युवक के खून बहत देख के चौंक गईले। गंभीर रूप से घायल युवक के गांव के लोग हड़बड़ा के सीएससी ले गईले। सीएससी में प्राथमिक चिकित्सा के बाद डॉक्टर उनुका के ट्रॉमा सेंटर रेफर क देले। फिलहाल घायल युवक के इलाज लखनऊ ट्रॉमा सेंटर में चलता।
इ मामला शिवरतनगंज थाना क्षेत्र के पिंडारा गांव से जुड़ल बा। इहाँ रहेवाला आदित्य कुमार सिंह गुरुवार के देर रात खेत में अपना पंपसेट के पहरा देवे गईल रहले। एही से देर रात अचानक पहुंचल अनजान बदमाश आदित्य पे गोली चलावे लगले। आदित्य के मरल समझ के बदमाश मौका से फरार हो गईले। हंगामा सुनला के बाद गांव के लोग पंपसेट के ओर भाग गईले। इहाँ उ आदित्य के खूनी हालत में देखले। एकरा बाद गांव के लोग अवुरी परिजन घायल आदित्य के संगे अस्पताल पहुंचले, जहां डॉक्टर उनुका के उच्च केंद्र में रेफर क देले। बतावल जाता कि फिलहाल आदित्य के इलाज लखनऊ ट्रॉमा सेंटर में चलता, लेकिन अभी तक पुलिस के कवनो शिकायत नईखे दिहल गईल।
साभार- जागरण
