साउथ के सुपरस्टार अल्लू अर्जुन आजु 8 अप्रैल के आपन 42वां जन्मदिन मनावत बाड़न. पैन इंडिया स्टार के दुनिया भर में बहुत बड़ फैन फॉलोइंग बा। ई दुनु कलाकार अपना आवे वाली फिलिम ‘पुष्पा 2’ के बारे में बहुते दिन से खबरन में बाड़े, एह फिलिम के अल्लू अर्जुन आ रश्मिका मंदाना के फर्स्ट लुक आउट हो गइल बा. बता दीं कि अल्लू अर्जुन ओह कलाकारन में से एगो हउवें जे सबसे खास दिन यानी जन्मदिन पs ब्लड डोनेट करेलें. उs हर साल ब्लड डोनेट करेले, जवना के बारे में अभिनेता पहिले बतवले बाड़े।
अल्लू अर्जुन करेले ब्लड डोनेट
हर साल अपना जन्मदिन पs ई अभिनेता खून दान करेलें आ खून दान शिविर के आयोजनो करेलें, जवना में उनकर प्रशंसक भी खून दान करेलें। आईएमडीबी के मुताबिक उs शारीरिक अवुरी मानसिक रूप से विकलांग बच्चा खातीर आयोजित कार्यक्रम में भी भाग लेवेले। 2020 में अपना जन्मदिन पs उs अपना नयकी फिल्म ‘पुष्पा’ के फर्स्ट लुक शेयर कईले रहले। अबकी बेर अल्लू अर्जुन के ‘पुष्पा 2’ के टीजर रिलीज होखे जा रहल बा.
तेलुगु सिनेमा में काम करे वाला भारतीय अभिनेता अल्लू अर्जुन भारतीय सिनेमा के सबसे अधिका वेतन पावे वाला कलाकारन में से एगो अल्लू अर्जुन के साल 2014 से ‘फोर्ब्स इंडिया’ सेलिब्रिटी 100 के सूची में शामिल कइल गइल बा. इनका कई गो अवार्ड मिलल बा जवना में एगो नेशनल फिलिम अवार्ड, छह गो फिल्मफेयर अवार्ड आ तीन गो नंदी अवार्ड शामिल बा. अल्लू अर्जुन खाली अभिनय खातिर ना बलुक सिंगिंग-डांस खातिर भी लोकप्रिय बाड़े। उनुकर प्रशंसक उनुका के स्टाइलिश स्टार अवुरी आइकन स्टार भी प्यार से कहेले।
अल्लू अर्जुन अपकमिंग फिलिम
अल्लू अर्जुन खाली सुपरस्टार ना हउवें बलुक एगो पारिवारिक आदमी भी हउवें. ‘पुष्पा: द रूल’ के सीक्वल भी रिलीज होखे के तइयारी हो रहल बा। फिलिम के पहिला लुक उनुका जन्मदिन पs रिलीज हो चुकल बा। अबकी बेर ‘पुष्पा 2’ के टीजर भी उनुका जन्मदिन पs रिलीज होखे जा रहल बा। एह फिलिम में अल्लू अर्जुन के अलावे रश्मिका मंदाना, फहाद फासिल, जगदीश प्रताप बंडारी, सुनील, राज तिरंडासु, राव रमेश, धनंजय आ अनसुया भारद्वाज देखल जा रहल बाड़े.
