इलाहाबाद विश्वविद्यालय में भर्ती : नौकरी के तलाश में अभ्यर्थियन खातिर एगो खुशखबरी बा। इलाहाबाद विश्वविद्यालय अलग-अलग नॉन टीचिंग पद पs बहाली खातीर आवेदन आमंत्रित कईले बिया। एह पदन खातिर आवेदन प्रक्रिया शुरू हो गइल बा। इच्छुक आ पात्र उम्मीदवार आधिकारिक वेबसाइट पs जा के आवेदन कs सकेलें।
कब ले आवेदन कs सकेनी?
अधिसूचना में दिहल विवरण के मुताबिक एs बहाली खातीर आवेदन करे के इच्छुक उम्मीदवार के एक अप्रैल ले आवेदन करे के चाही, जवन कि एकरा खातीर अंतिम तारीख बा।
केतना वैकेंसी बा
एह बहाली अभियान के माध्यम से कुल 347 पद पs बहाली होई। एमें-
ग्रुप ए के तहत 18 पद
ग्रुप बी के तहत 16 पद
ग्रुप सी ते कहत 313 पद
आवेदन शुल्क
एह पदन खातिर आवेदन करे वाला जनरल, ओबीसी, ईडब्ल्यूएस श्रेणी के उम्मीदवारन के 1600 रुपिया देबे के पड़ी। जबकि अनुसूचित जाति आ अनुसूचित जनजाति खातिर आवेदन शुल्क 800 रुपिया बा। एकरा अलावे दिव्यांग उम्मीदवार के सुविधा शुल्क के रूप में मात्र 100 रुपया देवे के होई। एह से जुड़ल विषयन पs अधिका जानकारी खातिर अभ्यर्थी आधिकारिक वेबसाइट पs जा सकेलें।
Comments are closed.