अहमदाबाद में 12 जून के दिल दहला देवे वाला दुर्घटना भईल। एयर इंडिया के एगो विमान दुर्घटनाग्रस्त हो गइल जवना में पायलट सुमित सभरवाल समेत 241 यात्रियन के मौत हो गइल. कैप्टन सुमित सभरवाल के शव आजु उनुका परिवार के सौंपल गइल जवना के बाद उनुकर आखिरी सफर करावल गइल. कप्तान सुमित सभरवाल के पिता पुष्करराज मुंबई के पवई में अपना घर के बहरी अपना बेटा के भावुक श्रद्धांजलि देले। हमनी के अवुरी आप सोच नईखी सकत कि पायलट बेटा के मौत पs बुजुर्ग पिता के कवन हालत होई। बुजुर्ग बाप बस हाथ जोड़ के आ नम आँख से अपना बच्चा के देखत रहले। ई दृश्य केहू के दिल तोड़े खातिर काफी रहे।
पायलट बेटा के शव देख के बुजुर्ग पिता टूट गईले
सुमित सभरवाल के पिता 88 साल के बाड़े। नोकरी के चलते उs संगे ज्यादा समय ना बिता पवले। आज जब सुमित सभरवाल के शव घर पहुंचल तs बुजुर्ग पिता के आंख में लाचारी अवुरी पीड़ा के लहर उड़ावत रहे, हाथ जोड़ के आखिरी विदाई देत घरी बाप के टूटल दिल सबके आँख नम हो गइल।
पायलट सभरवाल एटीसी के MAYDAY के बारे में जानकारी देले रहले
कैप्टन सबरवाल बहुत अनुभवी पायलट रहले। उनुका लगे 8200 घंटा से अधिका के उड़ान भरला के अनुभव रहे। एह हादसा में सबरवाल समेत 241 यात्री में से 241 यात्री के जान चल गईल। बता दीं कि एयर इंडिया के विमान उड़ान भरला के महज 50 सेकंड बाद आग के गोला बन गईल। काहे कि पायलट एटीसी यानी एयर ट्रैफिक कंट्रोल के आखिरी मैसेज भेजले “मेडे, मेडे, मेडे… नो पावर, नो थ्रस्ट, गोइंग डाउन….. जवना के बाद विमान के संपर्क टूट गईल अवुरी डॉक्टर्स हॉस्टल से टकरा गईल अवुरी आग के गोला बन गईल।”
इहो पढ़ीं: सबेरे-सबेरे: आंख के बनावल चाहत बानी खूबसूरत आ तेज तs रोज करीं इs 3 गो योगासन
