गोरखपुर जिला में अदाणी ग्रुप गजपुर आ नरायनपुर खुर्द गाँव के बीच धुरियापार औद्योगिक क्षेत्र में सीमेंट फैक्ट्री लगाई। समूह के चार प्रतिनिधि जमीन के अंतिम रूप देले बाड़े। बीयफ़ें के सांझ के जमीन आवंटन खातीर गिडा के सीईओ के संगे बैठक भी भईल। जल्दिए इs जमीन कंपनी के आवंटित कs दिहल जाई। अदाणी ग्रुप इहाँ 60 करोड़ के जमीन पs फैक्ट्री बनावे में करीब 500 करोड़ रुपिया के निवेश करे के तैयारी में बा।
गिडा प्रशासन बहुत दिन से अदाणी ग्रुप से संपर्क में बा। जीआईडीए प्रशासन के योजना बा कि धुरियापार के विकासशील औद्योगिक क्षेत्र में कंपनी के जमीन देके अवुरी कंपनी के आकर्षित कईल जाए। एह कंपनी से पहिला बेर बातचीत पिछला साल सितंबर में शुरू भइल रहे। नवंबर में जीआईडीए के स्थापना दिवस से पहिले भी कंपनी इहाँ आपन फैक्ट्री लगावे में रुचि देखवलस।
एकरा बाद कंपनी प्रबंधन अवुरी जीआईडीए प्रशासन के बीच कई चरण में ऑनलाइन बातचीत भईल। दिसंबर में कंपनी के दु प्रतिनिधि जमीन देखे आईल रहले। बीयफ़ें के फेर से कंपनी के चार प्रतिनिधि जीआईडीए कार्यालय पहुंचले। गिडा के सीईओ अनुज मलिक अवुरी कंपनी के प्रतिनिधि के बीच बातचीत के बाद लगभग सहमति बन गईल बा।
श्री सीमेंट भी धुरियापार में सीमेंट फैक्ट्री लगावे में रुचि देखवलस
अदाणी ग्रुप के बाद अब श्री सीमेंट ग्रुप भी धुरियापार में आपन सीमेंट फैक्ट्री लगावे में रुचि देखवले बा। कंपनी 50 एकड़ जमीन के मांग कईले बिया। कंपनी इहाँ करीब 300 करोड़ रुपिया के निवेश करी। हालांकि जीआईडीए प्रशासन के अबे ले ओ लोग के ओर से इs प्रस्ताव नईखे मिलल, लेकिन एs कंपनी के प्रतिनिधि गिडा में आके अधिकारी से मुलाकात कईले बाड़े। अदाणी ग्रुप खातिर प्रस्तावित जमीन के नजदीक जमीन भी देखावल गईल बा। एकरा अलावे रेलवे उपकरण बनावे वाली कंपनी एसआईपीएल के प्रतिनिधि भी बियफ़ें के जमीन देखे खातीर धुरियापार पहुंचल रहले।
उद्योग के स्थापना के चलते धुरियापार के शहरीकरण कईल जाई
अगर धुरियापार इलाका में अदाणी ग्रुप, श्री सीमेंट आ एसआईपीएल कंपनी के कारखाना बनावल जाई तs इलाका के आर्थिक विकास तेजी से होई। जानकार लोग के कहनाम बा कि एs औद्योगिक क्षेत्र में लगभग 2.5 करोड़ रुपिया प्रति एकड़ जमीन लीज में जाई, जवना से जीआईडीए के आमदनी बढ़ी। एहसे इलाका में बुनियादी सुविधा के विकास होई। अदाणी ग्रुप के स्थापना से करीब 1000 लोग के सीधा रोजगार अवुरी दु हजार लोग के अप्रत्यक्ष रोजगार मिली। एही तरे करीब 500 लोग के सीधा रोजगार मिली अवुरी एक हजार के अप्रत्यक्ष रोजगार श्री सीमेंट से मिली। ओहिजा लोग के रहला से स्कूल, अस्पताल, किराया के मकान, परिवहन आ बाजार के भी विकास होई। एह सब के मिला के धुरियापार क्षेत्र के शहरीकरण शुरू हो जाई।
गिडा के सीईओ अनुज मलिक कहले कि अदाणी ग्रुप से बातचीत अंतिम चरण में बा। श्री सीमेंट आ एसआईपीएल कंपनी के भी जमीन देखावल गईल बा। एह तीनों समूह के कंपनी धुरियापार में स्थापित करे के प्रयास बा। अगर इs प्रयास सफल भईल तs धुरियापार में आर्थिक विकास होई अवुरी आसपास के गांव के लोग के भी शिक्षा, स्वास्थ्य अवुरी परिवहन के बेहतर सुविधा मिले लागी। एकरा अलावे जीआईडा के राजस्व भी मिली, जवना से औद्योगिक क्षेत्र में विकास के काम करे में आसानी होई।
Comments are closed.