उत्तर प्रदेश के गौतम बुद्ध नगर जिला के दनकौर थाना इलाका में मंगर के भोरे कोहरा के वजह से एक बस आगे चल रहल कंटेनर में घुस गइल। हादसा में दू दर्जन लोग के घायल होखले के खबर बा। जबकि एक यात्री के मौत हो गइल बा। मौका पर पहुंचल पुलिस बस में फंसल यात्रियन के बहरा निकललस।
जानकारी के अनुसार, ग्रेटर नोएडा में घन कोहरा के वजह से गलगोटिया यूनिवर्सिटी के लग्गे एक्सप्रेस वे पs एगो बस कंटेनर के पीछे चलत रहे। कंटेनर चालक अचानक ब्रेक लगा दिहलें। एकरे चलते बस ग्रिल तूड़त 30 से 40 फीट गहिराह खाई में पहुंच गइल। हादसा में दू दर्जन लोग घाही हो गइलें। एहमें एक जनी के मौत हो गइल।
गौतम बुद्ध नगर पुलिस के अनुसार, बस में 60 यात्री सवार रहनें। घाही लोग के अस्पताल में भर्ती करावल गइल बा। पुलिस मामिला के जानकारी में जुटल बिया।
