अयोध्या राम मंदिर पुजारी : राम मंदिर तीर्थ क्षेत्र सोमवार के आधिकारिक तौर पs ए पद के घोषणा कईला के बाद अयोध्या के राम मंदिर में बहाली खातीर करीब तीन हजार पुजारी आवेदन कईले बाड़े। ट्रस्ट के एगो अधिकारी कहले कि, कुल 3,000 आवेदन में से मात्र 200 आवेदन के मेरिट के आधार पs साक्षात्कार दौर खातीर चुनल जाई।
चुनल 200 उम्मीदवार इंटरव्यू खातिर अइहें। ई साक्षात्कार अयोध्या में विश्व हिन्दू परिषद के मुख्यालय कारसेवक पुरम में कइल जाई। अंत में तीन सदस्यीय पैनल से महज बीस गो उम्मीदवारन के चयन कइल जाई जवन एह उम्मीदवारन के साक्षात्कार ली। साक्षात्कार पैनल में वृंदावन के हिन्दू प्रचारक जयकांत मिश्रा आ अयोध्या के दू गो महंत सत्यनारायण दास आ नंदिनी शरण शामिल रहीहें।
छह महीना के प्रशिक्षण दिहल जाला
चुनल उम्मीदवारन के छह महीना के प्रशिक्षण के बाद पुजारी बनावल जाई आ ओह लोग के तरह तरह के पद दिहल जाई। पीटीआई के मुताबिक, जवना उम्मीदवार के चयन ना होई, उ प्रशिक्षण में भाग लीहे अवुरी प्रमाणपत्र लीही।
एह उम्मीदवारन के भविष्य में पुजारी पद खातिर बोलावे के मौका भी मिली। प्रशिक्षण के समय अभ्यर्थी के आवास अवुरी खाए के सुविधा मुफ्त में मिली अवुरी एकरा संगे 2000 रुपिया भी मिली।
अयोध्या राम मंदिर हिन्दू धर्म के लोग खातिर एगो महत्वपूर्ण तीर्थ यात्रा हs। एह मंदिर के उद्घाटन 2024 में प्रधानमंत्री नरेंद्र मोदी करीहें। एह मंदिर के निर्माण लार्सन एंड टुब्रो ग्रुप के ओर से 18,000 करोड़ रुपिया के अनुमानित लागत से हो रहल बा।
