Khabar Bhojpuri
भोजपुरी के एक मात्र न्यूज़ पोर्टल।

यूपी: अलविदा जुमा के नमाज के बाद सहारनपुर में हंगामा, लागल ‘अल्लाह हू अकबर’ के नारा, पुलिस से नोकझोंक

0 36
सीवान इन्शुरेंस 720 90
उत्तर प्रदेश के सहारनपुर में शहर के प्रमुख फव्वारा चौक इस्थित जामा मस्जिद पs अलविदा जुमा के नमाज के बाद युवक लोग हंगामा कs दिहल। सड़क पs नमाज पढ़ला से रोकल गइला से खिसिआइल युवक करीब आधा घंटा ले ‘अल्लाह हू अकबर’ के नारा लगवले सs। पुलिस से युवकन के जमके नोकझोंक भइल ।

जानकारी के मोतबिक शहर के जामा मस्जिद पs अलविदा जुमाँ के नमाज ला लोग जमा भइल रहे। नमाज होखला के बाद कुछ युवक हंगामा कs दिहल लो आ अल्लाह हू अकबर के नारा लगावल सुरू कs दिहल। सूचना पs पुलिस टीमें मवका पs पहुंचल आ युवकन से बात कइल। एह दौरान कुछ युवकन के पुलिस से नोकझोंको भइल।

मवका पs नगर कोतवाली के अलावे आरएएफ आ पीएसी बल के तैनात कइल गइल। पाता लगला पs अगरी-कगरी के थानन के पुलिस फोर्स के मवका पs बुलावल गइल। लगभग आधा घंटा ले युवक जमके  हंगामा कटले सs आ ‘अल्लाह हू अकबर’ के नारा लगावत रहल लो। एकरा बाद पुलिस युवकन के उहां से हटावल, तs ऊ चौकी सराय के तरफ चल गइल लो आ उहां हंगामा करत नारेबाजी कइल लो।

पाता लगला पs  डीएम अखिलेश सिंह आ एसएसपी आकाश तोमर मवका पs पहुंच गइल लो। पुलिस प्रशासनिक अधिकारियन हंगामा कs रहल बा युवक के समझाके ममिला सांत करावल लो।
ओहिजा, जामा मस्जिद के प्रबंधक मौलाना मौलवी फरीद के कहनाम बा कि कुछ युवक हंगामा कइल लो।  अलविदा जुमा के नमाज सकुशल संपन्न हो गइल। ऊ सभे से शांति बना के राखे के अपील बा। 

- Sponsored -

- Sponsored -
246920cookie-checkयूपी: अलविदा जुमा के नमाज के बाद सहारनपुर में हंगामा, लागल ‘अल्लाह हू अकबर’ के नारा, पुलिस से नोकझोंक

ईमेल से खबर पावे खातिर सब्सक्राइब करीं।

जगदम्बा जयसवाल 720*90
जगदम्बा जयसवाल  300*250

Get real time updates directly on you device, subscribe now.

- Sponsored -

- Sponsored -
Leave A Reply

Your email address will not be published.