देश के राजधानी दिल्ली के संगम विहार से एगो दिल दहला देवे वाला मामला सोझा आईल बा। इहाँ एगो 18 साल के युवक पs 7-8 लईका हमला कईले। ए दौरान लईका पs चाकू से हमला भईल, जब तक कि ओकर मौत ना हो गईल। पूरा घटना सीसीटीवी में कैद हो चुकल बा। एह घटना से दिल्ली में कानून व्यवस्था पs एक बेर फेरु सवाल उठल बा।
सब लोग देखत रहल, केहू बचावे ना आइल
पुलिस सीसीटीवी फुटेज के आधार पs घटना में शामिल आरोपी के पहचान कईले बिया अवुरी आरोपी के तलाश जारी बा। ई घटना 8 सितंबर के भइल रहे जवना के सीसीटीवी फुटेज अब सामने आ गइल बा। साफ लउकत बा कि 7-8 गो लड़िका लगातार पीड़िता पs चाकू से हमला करत बाड़े बाकिर ओहिजा मौजूद लोग पीड़ित के बचावे के कोशिश ना कइल।
संगम विहार के एगो गली में 7-8 युवक एगो लईका के घेरले बाड़े। लात-मुक्का से पीटत बाड़े। लड़िका ओह लोग से भागे के कोशिश करत बा बाकिर ई लोग खुलेआम ओकरा पs हमला करत बा। लइका लड़खड़ात लउकत बा। एकरा बाद हमलावर युवक कुल उहाँ से भाग जाला।
