होली मिलन समारोह में एकट्ठा भईलन 100 जुबिलियन्ट
होली के शुभकामना 2023 के शुभकामना उद्धरण:हमनी के देश भर में लोग एक हफ्ता पहिले होली के त्योहार मनावे लागेला। लोग आपन खुशी के इजहार अपना तरीका से करेला। एह सिलसिला में काल्ह यानी 6 मार्च के पूरा जोश आ मस्ती के साथ अपने गोरखपुर मे कई जगहन पे आवे वाला होली के खुशी मनावल गइल |जवना में जुबली कॉलेज के एके बैच के 100 लोग मिल के होली के जश्न के खुशी मनवले।
गोरखपुर: होली के पावन पर्व के उपलक्ष मे जुबिली इण्टर कालेज के एक ही बैच के मित्रगण होली मिलन समारोह मे होटल प्रगति इन में एकट्ठा भईलन|
बहत फगुनहट बयार,
उड़ता रंग अबीर गुलाल।
ए मितवा च फिर खेली जा,
लरिकाई क होली।
ई भावना के साकार करत जुबिली इण्टर कालेज के सजी मित्रगण के होली मिलन समारोह अपने आपमें अद्भुत रहल । गुझिया ,ठंडई अबीर, गुलाल अउर फगुआ गीत पर नाचत गावत सभी जुबलियंट लरिकाई के याद ताजा कईलन।एह भेट मुलाकात के विशेष आकर्षण रहलन एहि बैच के डा .शलभ मणि त्रिपाठी सदर विधायक देवरिया अउर श्री शैलेश मणि त्रिपाठी साहित्यिक व्यंगकार (मोबाइल बाबा) ए आयोजन के सफल बनवला में श्री अविनाश शाही , श्री बृजेश गुप्ता,श्री नीरज त्रिपाठी, श्री विजय गुप्ता के विशेष योगदान रहल ।
