रेलवे बोर्ड डायरेक्टर के फर्जी आदेश बनवा के 1.95 करोड़ हड़पलस, भइल गिरफ्तार

जार्जटाउन में बुलेट एजेंसी संचालक रजत केशरवानी से 1.95 करोड़ के ठगी कइले के आरोपी गिरफ्तार कs के जेल भेज दिहल गइल। आरोप बा कि ऊ डायरेक्टर, रेलवे बोर्ड के फर्जी आदेश देखा के उनसे रुपये अइठलस। ई रेलवे स्क्रैप के ठेका से संबंधित रहल। पुलिस आरोपी के गिरफ्तार कs के जेल भेज दिहले। हाशिमपुर निवासी रजत अल्लापुर डॉट पुल के पास बुलेट एजेंसी चलावेने। ऊ पुलिस के बतवलें कि खुल्दाबाद निवासी अजहर अनीस उस्मानी उनकर जाने वाला रहल। आरोप बा कि रेलवे स्क्रैप के ठेका दियावे के बात कह के ऊ उनसे 1.95 करोड़ रुपया तीन अलग-अलग खाता में जमा करा लिहलें।