उत्तर प्रदेश के बहराइच में अतवार के रात दुर्गा मूर्ति विसर्जन जुलूस के दौरान भइल हंगामा सोमार के सबेरे अउरी हिंसक मोड़ ले लिहलस. महाराजगंज में सोमवार के सबेरे बदमाश भीड़ सड़क पs उतर गईल, लाठी से लैस एs भीड़ के आतंक अयीसन रहे कि पुलिस के पीछे के गोड़ पs खड़ा कs देलस। दंगाई के ई भीड़ चार घंटा ले जवन मन करे तवन कइलस. दोकान, अस्पताल जरि गइल। बाइक के शो फॉर्म के निशाना बनावल गईल। उहां खड़ा नया बाइक के जरा देले। एकरा अलावे भीड़ में मौजूद लोग चुनिंदा तरीका से घर अवुरी दोकान के निशाना बनावत रहले। मोबाइल दोकान में तोड़फोड़ अवुरी लूटपाट भईल। घर के गली में तोड़फोड़ कईल गईल। दंगाई अस्पताल आ मीडिया के भी ना बख्शलस कुल। अस्पताल में आग लगा दिहल गईल। आ एह डर से कि कहीं ओह लोग के चेहरा ना लउके, एहसे भीड़ मीडिया के कैमरा फोड़ दिहलस।
महाराजगंज के लगे राजी चौराहा पs भारी आगजनी भईल। सीएम योगी आदित्यनाथ एडीजी लॉ एंड ऑर्डर आ एसटीएफ प्रमुख अमिताभ यश के बहराइच भेजले बाड़न. पुलिस जनता से संयम बरते के गोहार लगावत रहल, बाकिर उs लोग सहमत ना भईले। महाराजगंज में सोमार के रात दुर्गा मूर्ति विसर्जन यात्रा के दौरान दु समूह के बीच झड़प भईल। एकरा में एगो युवक के मउत हो गईल रहे। जवना के बाद स्थिति भयावह हो गईल। फिलहाल 30 लोग हिरासत में बाड़े।
