उन्नाव जिला के औरास थाना में तैनात एगो सिपाही के सरकारी कमरा में लागल लोहा के तार से करंट लाग गइल। साथी सिपाही उनका के स्वास्थ्य केंद्र ले अइले, जहां डॉक्टर उनका के मृत घोषित कऽ देले। औरास थाना में तैनात कांस्टेबल हरेन्द्र सिंह सरकारी कक्ष में रहत रहे।
बुध के सबेरे दस बजे नहाए के बाद उऽ बहरी लोहा के तार पs कपड़ा पसारे गईले। तार से करंट लाग गइल अउरी उनकर मौत हो गइल। घटना के जानकारी मिलला पs सीओ अरविंद चौरसिया, एसओ अश्वनी मिश्रा मौका पs पहुंच के उच्च अधिकारी के घटना के जानकारी देले।
मरेवाला हरेन्द्र सिंह मूल रूप से आगरा जिला के खंडौली थाना के मालूपुर गांव के निवासी रहले। हरेन्द्र सेना से सेवानिवृत्त होखला के बाद साल 2019 में सिपाही पद में शामिल भइले। करीब नौ महीना पहिले उनकर तबादला बिगापुर कोतवाली से औरस थाना में हो गइल रहे। उनकर पत्नी मोनिका के संगे एगो बेटा अउरी बेटी बाड़ी।
