यूक्रेन के ड्रोन हमला से तबाह भइल दू रूसी एयरबेस, पुतिन के तीन सैनिकन के मौत, कई लोग घायल

रूस के सबसे सुरक्षित मानल जाए वाले दू एयरबेस पर यूक्रेन के ड्रोन विमान सोमार के हमला कs दिहलस। एह हमला में पुतिन के तीन सैनिकन के मौत हो गइल अउर चार घायल हो गइलें। बतावल जा रहल बा कि एह ड्रोन हमला में रूस के दू Tu-95 परमाणु बॉम्बरो तबाह हो गइल बा। बता देईं कि रूस एह  बॉम्बर्स के यूक्रेन अउर ब्रिटेन के डेरवावे खातिर तैनात कइले रहनें। उहवें यूक्रेन के ओर से अउर हमला के खतरा के देखत रूसी एयरबेस के हाई अलर्ट पर कर दिहल गइल बा। एहसे पहिले, सेराटोव में एंगेल्स एयरबेस अउर रियाज़ान में डायगिलेवो एयरबेस में बड़ विस्फोट के सूचना मिलल रहे, लेकिन एहपर कौनो आधिकारिक टिप्पणी नाइ कइल गइल रहे।