Home » सांझ के 10 बड़ खबर

सांझ के 10 बड़ खबर

Published on: Apr 10, 2023

बिहार: नया शिक्षक नियमावली पs लागल कैबिनेट के मुहर; 3 लाख पदन पs होखे के बा बहाली, राज्यकर्मी बने खातिर नियोजित शिक्षकन के देवे के होई परीक्षा, महंगाई भत्ता में इजाफा। बिहार: हिंसा में मुस्लिम

बिहार: नया शिक्षक नियमावली पs लागल कैबिनेट के मुहर; 3 लाख पदन पs होखे के बा बहाली, राज्यकर्मी बने खातिर नियोजित शिक्षकन के देवे के होई परीक्षा, महंगाई भत्ता में इजाफा।
बिहार: हिंसा में मुस्लिम लईकन के गिरफ्तार कs रहल बिया सरकार; ओवैसी बोललें- हिंदूअन के बचावल जा रहल बा। इफ्तार पs निशाना, कहलें- नीतीश-तेजस्वी के फैंसी ड्रेस से फुरसत नइखे।
उत्तर प्रदेश: मुख्तार अंसारी के लखनऊ CBI स्पेशल कोर्ट में पेशी; मनी लांड्रिंग केस में तय ना हो सकल आरोप, अब 19 अप्रिल के फेर होई सुनवाई।
उत्तर प्रदेश: यूपी नगर निकाय चुनाव में सब सीट पs प्रत्याशी उतारी कांग्रेस, जीत के लेके प्रदेश अध्यक्ष बृजलाल खाबरी के अप्रत्याशित सफलता मिले के उमेद।
झारखंड: जेल में बंद धनबाद के पूर्व विधायक संजीव सिंह के तबीयत बिगड़ल; सीना में शिकायत के बाद अस्पताल में करावल गइल भर्ती, सुरक्षा के पुख्ता इंतजाम।
एह साल सामान्य से कम बरखा के अनुमान: देस में अनाज के पैदावार घट सकत बा, एकरा से महंगाई बढ़े के आशंका। लॉन्ग पीरियड एवरेज से कम बरखा के अनुमान। उत्तर आ मध्य भारत में कम बरखा के आसार।
एअर इंडिया फ्लाइट में पैसेंजर क्रू से मारपीट कइलस: 2 मेंबर्स के चोट आइल, लंदन जा रहल फ्लाइट 4 घंटा बाद दिल्ली एयरपोर्ट वापस लवटल। पैसेंजर के पुलिस कस्टडी में लिहल गइल।
केंद्रीय गृहमंत्री अमित शाह बोललें- अरुणाचल के लोग नमस्ते ना जय हिंद बोलेला: इहां केहू कब्जा नइखे कs सकत; गृहमंत्री के दौरा पs चीन के आपत्ति, दौरा के बतवलस संप्रभुता के उल्लंघन।
ट्विटर BBC के ‘गवर्नमेंट फंडेड मीडिया’ के लेबल देलस: ब्रिटिश कंपनी बोलल- एकरा के तुंरत हटावल जाव, मस्क के सवाल- BBC के मतलब का बा?
आईपीएल 2023: आज बेंगलुरु के सामना लखनऊ से, लगातार तीसरा हार से बांचें के चाहीं लखनऊ। भारुतीय क्रिकेट के घरेलू सीजन 2023-2024 के शेड्यूल के घोषणा: दलीप ट्रॉफी 28 जून से, अगिला साल 5 जनवरी से होई रणजी ट्रॉफी के आगाज।