सतीश कौशिक 9 मार्च 2023 के दुनिया से विदाई देले रहले, लेकिन उनुका मौत के बाद भी उs अपना फिल्म के चलते लोग के बीच खबर में बनल बाड़े। दिवंगत अभिनेता सतीश कौशिक के सबसे प्रतीक्षित फिल्म ‘कागज 2’ आखिरकार ओटीटी पs रिलीज हो गइल बा. सतीश कौशिक के अलावे एs फिल्म में अनुपम खेर, दर्शन कुमार, नीना गुप्ता अवुरी अनंग देसाई जईसन कलाकार बाड़े। जइसहीं ओटीटी पs रिलीज भइल एह फिलिम के टॉप 10 सूची में शामिल कs लिहल गइल बा.
स्वर्गीय सतीश कौशिक के कागज 2 रिलीज
निधन के बाद सतीश कौशिक ‘पॉप कौन’ आ ‘किसी का भाई किसी की जान’ फिलिमन में देखल गइलन. एही बीच अब स्वर्गीय सतीश कौशिक के एगो अउरी फिलिम ‘कागज 2’ रिलीज हो चुकल बा. निर्देशक आ अभिनेता सतीश के दोस्त अनुपम खेर सोशल मीडिया पs फिल्म ‘कागज 2’ के ओटीटी रिलीज के बारे में लोग के जानकारी दिहले बाड़न. इहो बतावल गइल बा कि रउरा एह फिलिम के कहाँ आ कइसे देख सकीलें.
कागज 2 कहाँ देख सकेनी?
सतीश कौशिक के फिल्म ‘कागज 2’ रिलीज हो चुकल बा. सोशल मीडिया पs वीडियो शेयर करत अनुपम खेर कहलन कि ई फिलिम अमेजन प्राइम वीडियो प्लेटफार्म पs रिलीज भइल बा. एह फिल्म के देखे खातिर इंस्टाग्राम पs एगो अपील वीडियो शेयर करत अनुपम खेर लिखले कि, ‘कृपया @amazonprime पs # SatishKaushik के आखिरी फिलिम #Kaagaz2 देखीं।’ ई एगो असली मुद्दा पs आधारित फिल्म हs. हम वादा करत बानी कि रउरा ई सिनेमा बहुते नीक लागी!’
कागज 2 के बारे में
जे नइखे जानत ओकरा खातिर बता दीं कि ‘कागज 2’ साल 2021 भारतीय जीवनी हास्य फिल्म ‘कागज’ के सीक्वल हs जवना के निर्देशन सतीश कौशिक कइले रहले. एह फिलिम के निर्देशन वीके प्रकाश कइले बाड़न आ निर्माता शशि सतीश कौशिक, रतन जैन आ गणेश जैन हउवें. एकर निर्माण सतीश कौशिक एंटरटेनमेंट एलएलपी आ वीनस वर्ल्डवाइड एंटरटेनमेंट सतीश कौशिक आ कंगना रनौत के आवे वाली फिलिम ‘इमरजेंसी’ में भी मुख्य भूमिका में नजर अइहें.
