तीर्थ स्थल: IRCTC देत बा एकसाथ 5 तीर्थ स्थल घूमें के मउका

पुरी-गंगासागर भव्य काशी यात्रा नाम के एह टूर पैकेज के तहत रउआ 8 रात 9 दिन तक अलग-अलग तीर्थ स्थल पs घूमे के फायदा मिली। एह दौरा के शुरुआत मध्य प्रदेश के वित्तीय राजधानी इंदौर से होखी। एह दौरान यात्री भारत गौरव पर्यटन ट्रेन से पुरी खातिर रवाना हो जइहें।

By Minee Upadhyay On Dec 19, 2023

अगर रउरा देश भर के अलग अलग धार्मिक जगहन पs जाए के योजना बनावत बानी तs भारतीय रेलवे के उपक्रम भारतीय रेलवे पर्यटन आ खानपान निगम (आईआरसीटीसी) रउरा खातिर एगो खास टूर पैकेज ले के आइल बा आईआरसीटीसी देश भर के धार्मिक जगहन पs घूमे खातिर इंदौर से सस्ता टूर पैकेज बनवले बिया। भारत गौरव नाम के एह पैकेज में आईआरसीटीसी रउरा के पुरी से अयोध्या के यात्रा करा दी। आठ रात नौ दिन के एह पैकेज में पर्यटकन के कोलकाता, गंगासागर, वैद्यनाथ आ वाराणसी के साथे पुरी आ अयोध्या ले जाइल जाई।

पुरी-गंगासागर भव्य काशी यात्रा इंदौर से रवाना होई

पुरी-गंगासागर भव्य काशी यात्रा नाम के एह टूर पैकेज के तहत रउआ 8 रात 9 दिन तक अलग-अलग तीर्थ स्थल पs घूमे के फायदा मिली। एह दौरा के शुरुआत मध्य प्रदेश के वित्तीय राजधानी इंदौर से होखी। एह दौरान यात्री भारत गौरव पर्यटन ट्रेन से पुरी खातिर रवाना हो जइहें।

नौ से अधिका स्टेशन से यात्री बुकिंग करा सकेलें

आईआरसीटीसी के एह पैकेज में भारत गौरव पर्यटन ट्रेन 16 दिसंबर के इंदौर से रवाना भइल। इंदौर के संगे देवास, उज्जैन, शुजालपुर, सीहोर, रानी कमलापति स्टेशन, इटारसी, जबलपुर, कटनी आदि स्टेशन से पर्यटक ए ट्रेन में चढ़ सकेले। कटनी से निकलला के बाद अगिला दिने सबेरे ट्रेन पुरी स्टेशन पहुंची। सफर 24 दिसंबर के वापस आ जाई।

महज 15 हजार रुपया में पूरा सफर कs सकतानी

महज पन्द्रह हजार रुपिया में रउरा के आठ रात नौ दिन के सफर दिहल जाई। एह पैकेज में पुरी, गंगासागर, कोलकाता, वैद्यनाथ, वाराणसी आ अयोध्या के दर्शनीय स्थल के दर्शन कइल जाई। एकरा खातीर इकोनॉमी क्लास में प्रति व्यक्ति 14,800 रुपिया के खर्चा होई। जबकि ए पैकेज के स्टैंडर्ड क्लास के लागत 23,400 रुपिया बा। कम्फर्ट कैटेगरी में 30,600 रुपिया देवे के होई। आईआरसीटीसी के एह टूर पैकेज में पर्यटकन के नाश्ता आ लंच मुफ्त में दिहल जाई। धार्मिक जगहन पs जाए खातिर बस के इस्तेमाल कइल जाई;एह के साथे आईआरसीटीसी यात्रियन के रहे के इंतजाम भी करी।