राष्ट्रीय राजधानी दिल्ली आ ओकरा आसपास के इलाका में तापमान गिरला के चलते ठंडा बढ़ गइल बा. पिछला 24 घंटा में दिल्ली के न्यूनतम तापमान में तनिका बढ़ोतरी भईल बा जबकि अधिकतम तापमान में 02 डिग्री सेल्सियस के गिरावट आईल बा। एकरा अलावे राष्ट्रीय राजधानी में 12 दिसंबर ले आसमान साफ रही। मौसम विभाग के अनुमान बा कि एह सप्ताहांत में ठंडा लहर के हालत अउरी तेज हो सकेला.
एह राज्यन में शीतलहर के चेतावनी
मौसम विभाग के मुताबिक 11 दिसंबर से पंजाब, हरियाणा, चंडीगढ़ अवुरी पश्चिमी उत्तर प्रदेश में लगातार शीत लहर के संभावना बा, पश्चिमी राजस्थान में पहिलही से ठंडा महसूस होखता। आजु जम्मू कश्मीर, लद्दाख, गिलगित, बाल्टिस्तान, मुजफ्फरबाद में ठंड के लहर के हालात के अनुभव होखे के अनेसा बा. पूर्वी राजस्थान में 13 दिसंबर ले अवुरी उत्तराखंड में 10 दिसंबर ले ठंडा लहर के स्थिति के अनुमान लगावल गईल बा। एह हफ्ता पंजाब, हरियाणा, हिमाचल प्रदेश, चंडीगढ़, पश्चिम मध्य प्रदेश आ पश्चिम राजस्थान में शीत लहर आवे के संभावना बा.
एह राज्यन में घना कोहरा लउकी
मौसम विभाग के मुताबिक अगिला 24 घंटा के दौरान पश्चिम बंगाल, झारखंड, सिक्किम, बिहार, पूर्वी उत्तर प्रदेश, हिमाचल प्रदेश, असम आ मेघालय, नागालैंड, मणिपुर, मिजोरम अवुरी त्रिपुरा में घना कोहरा देखाई दिही।
एह राज्यन में भारी बरखा के अनेसा
आईएमडी के अनुमान बा कि 13 दिसंबर ले तमिलनाडु, पुडुचेरी अवुरी कराईकल समेत दक्षिण भारत के अलग-थलग इलाका में भारी बरखा होई। एकरा अलावे तटीय आंध्र प्रदेश, यनम अवुरी रायलसीमा के अलग-थलग इलाका पs 11-13 दिसंबर ले भारी बरखा के संभावना बा। आईएमडी के आंकड़ा बतावत बा कि 12 आ 13 दिसंबर के दक्षिण आंतरिक कर्नाटक पs भारी बरखा के संभावना बा आ साथही 12 से 14 दिसंबर ले केरल आ माहे पs भारी बरखा होखे के संभावना बा.
इहो पढ़ीं: सबेरे-सबेरे: रोजे 5 मिनट ले करीं 4 गो योगासन, आंख के पफीनेस होई दूर
