कानपुर हिंसा: 42 गवाह देखले पथराव आ बमबाजी, एसआईटी कर रहल बिया बड़ कार्रवाई कर तइयारी

नूपुर शर्मा के बयान पs कानपुर में जुमा के नमाज के बाद भइल हिंसा में एसआईटी बड़ कार्रवाई के तइयारी कs लेले बिया। 62 लोग के गवाही हो चुकल बा। 42 अइसन गवाह बा जे पथराव आ बमबाजी के देखले बा।

By Anurag Ranjan On Jun 19, 2022

कानपुर के नई सड़क हिंसा के सनिचर के 15 दिन पूरा हो चुकल बा। विवेचना खातिर गठित कइल गइल एसआईटी 15 दिन में 145 गो पर्चा काट देले बिया। हर दिन नव के औसत से परचा काटल गइल बा। 62 लोग के गवाही हो चुकल बा। एसआईटी के दावा बा कि 90 दिन में ऊ एह प्रकरण में चार्जशीट फाइल कs दी।

एसआईटी के अबतक के काटल परचन में 42 अइसन गवाहन के शामिल कइल गइल बा जेकरा सोझा पथराव आ बमबाजी भइल रहे। ओही लो के बयान में एसआईटी इहो शामिल कइले बिया कि घटना के बेरा कइसे इलाकाई लोग दहशत में आके एने ओने भागे पs मजबूर हो गइल रहे। 15 अइसन गवाह शामिल कइल गइल बा जेकरा सोझा फायरिंग भइल रहे। अब तक के विवेचना में पांच पुलिस कर्मियन के शामिल कइल गइल बा। ऊ लोग बतावल कि घटना के शुरुआत कइसे भइल। कइसे भीड़ के शक्ल जुलूस ले लेलस आ फेर पथराव शुरू हो गइल।