गरमी आजुकाल्हु आपन उग्र रूप देखा रहल बा. तेज धूप में घर से बाहर निकलल मुश्किल हो जाला। हालांकि बाल स्कूल अबे भी चलत बा। मई के तपत गरमी में उल्टी अवुरी दस्त के समस्या बच्चा के सबसे जादे परेशान करेले। लइका-लइकी बेमार हो जालें अगर ओह लोग के खानपान में तनी सा गड़बड़ी होखे। खास तौर पs जवन बच्चा बाहर के खाना बहुत खाला, उs सबसे पहिले अयीसन समस्या के सामना करेले। कई बेर तपल गरमी में पानी कम पिए के चलते बच्चा बेमार हो जाले। अगर बच्चा दस्त से पीड़ित बा तs ओकरा खाना-पीना के खास ध्यान राखीं। उल्टी अवुरी दस्त के दौरान बच्चा के का खियावे के चाही, एकरा खातीर जान लीं, ताकि उs जादे कमजोर ना होखे अवुरी बच्चा जल्दी ठीक हो जाए।
जब लइका के दस्त होखे तs ओकरा के का खियावल जाव?
दूध के उत्पाद कम देवे के चाहीं – अगर बच्चा के उल्टी आ दस्त होखे तs दूध से बनल उत्पाद कम खियाईं। खास कर के खाली पेट दूध भा दही खियावे से परहेज करे के चाहीं. दूध कम पचावे वाला बच्चा के जादा समस्या के सामना करे के पड़ सकता।
हल्का खाना खियाईं – जब बच्चा के पेट खराब होखे आ दस्त होखे अवुरी उल्टी भी होखे तs ओकरा बाद हल्का खाना खियावे के चाही। एके बेर में जादा खाना खियावे से बची। एक बेर में तनी-मनी खाना ही खियाईं जवना के पचावल आसान होखे। घर के पकावल खाना ही खियावे के चाहीं। लइका के दही आ चावल खिया सकेनी। एकरा अलावे मुंग दाल खिचड़ी भी खियावल जा सकेला।
एह सब के खानपान में शामिल करीं – दस्त अवुरी उल्टी के स्थिति में बच्चा के आहार में चावल, मूंग दाल के खिचड़ी, दलिया, रोटी, उबले आलू के खिया सकतानी। एही समय बच्चा के दही खियाईं। प्रोबायोटिक दही में पावल जाला जवन पेट में निमन अवुरी खराब बैक्टीरिया के संतुलन बनावे में मदद करेला।
केला खियाईं- बच्चा के दस्त होखे पs पाकल केला खियावल जा सकेला। एहसे पेट ठीक रहेल अवुरी तुरंत ऊर्जा मिलेला। हालांकि केला के तबे खियावे के चाही जब उल्टी अवुरी दस्त कम होखे। एह समय गलती से भी आम ना खियावे।
एह सब के ध्यान राखीं
•गरमी में धूप अवुरी पसीना में बच्चा के आइसक्रीम खियावे
से बची।
•तेज धूप में लइकन के बाहर ना खेले दीं।
• लइकन के भरपूर पेय आ तरल पदार्थ देत रहीं।
• बाहर के खाना आ जंक फूड से दूर रहीं।
•अधिका से अधिका फल आ सब्जी खियावे के चाहीं.
