गोरखपुर रेलवे स्टेशन के प्लेटफॉर्म नंबर एक पs वॉशेबुल एप्रेन के मरम्मत होए। एह कारण से ट्रैफिक ब्लॉक लिहल जाई। एह दौरान कइयन गो ट्रेन निरस्त रही। ओहिजा, कइयन ट्रेनन के कम दूरी तक चलावल जाई। संगही कइयन गो ट्रेनन के बदलल मार्ग से 30 नवंबर से 15 दिसंबर तक आवागमन करावल जाई।
पूर्वोत्तर रेलवे के मुख्य जनसंपर्क अधिकारी पंकज कुमार सिंह बतवलें कि डिब्रूगढ़ से 30 नवंबर से 15 दिसंबर तक चले वाला डिबूगढ़ नई दिल्ली विशेष ट्रेन बदलल मार्ग छपरा, फेफना, इंदारा, मऊ, शाहगंज, अयोध्या कैंट, बाराबंकी के रस्ता से चली। ओहिजा नई दिल्ली से एक दिसंबर से 16 दिसंबर तक नई दिल्ली डिब्रूगढ़ ट्रेन बाराबंकी, अयोध्या कैंट, शाहगंज, मऊ, इंदारा, फेफना, छपरा के रस्ता आ बरौनी से 30 नवंबर से 15 दिसंबर तक बरौनी नई दिल्ली ट्रेन छपरा, फेफना, इंदारा, मऊ, शाहगंज, अयोध्या कैंट, बाराबंकी के रस्ता आ नई दिल्ली से एक दिसंबर से 16 दिसंबर तक चके वाली नई दिल्ली बरौनी बाराबंकी, अयोध्या कैंट, शाहगंज, मऊ, इंदारा, फेफना, छपरा के रस्ता से चलावल जाई।
