गर्मी में एह सब के सेवन से यूरिक एसिड कम हो जाई, घुटना के दर्द खतम हो जाई
जब शरीर में यूरिक एसिड जमा हो जाला त किडनी के एकरा के छानल मुश्किल हो जाला। यूरिक एसिड के मात्रा जादा होखे वाला लोग में बाद में गठिया के समस्या हो सकता।
गर्मी में एह सब के सेवन से यूरिक एसिड कम हो जाई, घुटना के दर्द खतम हो जाई
जब शरीर में यूरिक एसिड जमा हो जाला त किडनी के एकरा के छानल मुश्किल हो जाला। यूरिक एसिड के मात्रा जादा होखे वाला लोग में बाद में गठिया के समस्या हो सकता।
जब शरीर में यूरिक एसिड जमा हो जाला त किडनी के एकरा के छानल मुश्किल हो जाला। धीरे-धीरे इ यूरिक एसिड क्रिस्टलाइज होखे लागेला अउरी छोट-छोट कण के रूप में नस में बईठे लागेला। जवना के चलते जोड़ में दर्द, सूजन अउरी शरीर में दर्द जईसन समस्या शुरू होखेला। यूरिक एसिड के मात्रा जादा होखे वाला लोग में बाद में गठिया के समस्या हो सकता। एही से, शरीर में यूरिक एसिड जमा होखे से बचावल बहुत जरूरी बा। गर्मी में यूरिक एसिड के नियंत्रित करे खातिर आप खानपान में बदलाव क सकतानी। संगही, जीवनशैली में बदलाव क के अउरी कुछ घरेलू उपाय के मदद से ए समस्या के नियंत्रित कईल जा सकता। इहाँ पढ़ीं कुछ अयीसन प्राकृतिक उपाय अवुरी घरेलू उपाय जवन कि हाई यूरिक एसिड के मरीज खातीर बहुत कारगर होखेला।
खीरा
गर्मी के मौसम में खीरा खईला से शरीर में ठंडक मिलेला, काहेंकी एकरा में पानी के मात्रा भरपूर होखेला। अयीसना में एकर सेवन के चलते निर्जलीकरण के कवनो समस्या नईखे। एतने ना, एंटी-ऑक्सीडेंट खीरा में पावल जाला जवन यूरिक एसिड के नियंत्रित करे में मदद करेला। एकरा अलावे एकरा में मौजूद पोषक तत्व शरीर में यूरिक एसिड बढ़ला से होखेवाला समस्या के कम करेला। रउआ खीरा के कच्चा सेवन कर सकेनी, सलाद आ रायता के रूप में।
जामुन
जामुन में एंटी-इंफ्लेमेटरी तत्व पावल जाला जवन शरीर में सूजन के कम करे में मददगार होखेला। संगही, एकर इस्तेमाल से जोड़ में यूरिक एसिड के क्रिस्टल जल्दी ना बने। अयीसना में खून में यूरिक एसिड के स्तर नियंत्रण में रहेला। एह बेमारी से पीड़ित मरीज के अपना आहार में जामुन, स्ट्रॉबेरी, चेरी अवुरी ब्लूबेरी के शामिल करे के चाही।
गाजर
ई मौसमी सब्जी हवे जे जाड़ा के समय ज्यादातर खाइल जाला। हालांकि, गाजर के सेवन गर्मी में भी फायदेमंद होखेला। एकरा में विटामिन ए अउरी एंटीऑक्सीडेंट होखेला जवन कि यूरिक एसिड के नियंत्रित करे में मदद करेला। एकरा अलावे इ शरीर के फ्री रेडिकल्स के नियंत्रित करे में भी मददगार होखेला। एकरा संगे-संगे गाजर के सेवन जोड़ के दर्द अउरी सूजन के कम करे खातीर भी फायदेमंद होखेला। एकर सेवन रउआ सलाद, सब्जी भा जूस के रूप में क सकेनी।
Comments are closed.