औरंगाबाद : रउआ कई गो रेलवे स्टेशन देखले होखब, बाकिर का अइसन कवनो रेलवे स्टेशन देखले होखब जवन खाली 15 दिन खातिर खुलल होखे? अगर रउरा अइसन स्टेशन नइखी देखले तऽ आ जाईं बिहार के औरंगाबाद जिला के अनुग्रह नारायण रोड जहाँ एगो अनोखा स्टेशन मौजूद बा। इहाँ के पुनपुन घाट स्टेशन प सवारी गाड़ी मात्र 15 दिन खाती रुकेले, उहो खाली पितृपक्ष के दौरान। असल में गया में श्राद्ध से पहिले पिंड दानी लोग इहाँ के आपन पुरखा लोग के पहिला श्राद्ध चढ़ावेला।
पुनपुन घाट स्टेशन 15 दिन खातिर खुलेला
पुनपुन घाट स्टेशन साल में मात्र 15 दिन खुलेला। गया जिला में आवे वाला पिंड दान करे वाला लोग के सुविधा खातिर पितृपक्ष के समय ई स्टेशन खोलल जाला। पिंड्डानी इहाँ अपना पुरखा लोग के पहिला श्राद्ध चढ़ावेले। गया-डीडीयू रेलवे खंड पs इस्थित एह स्टेशन पर 17 सितंबर से नौ जोड़ी ट्रेन रुकी। हालांकि अबकियो बेर पिंड दानी के कवनो खास इंतजाम नइखे भईल। इहाँ तक कि पर्याप्त टिकट काउंटर आ सुरक्षा के इंतजाम तक नइखे।
इहाँ से सुविधा धीरे-धीरे बंद हो गइल: स्थानीय लोग
स्थानीय लोग के कहनाम बा कि पहिले रेलवे स्टेशन पs सभ सुविधा मिलत रहे, बाकिर धीरे-धीरे सब कुछ रुक गइल। स्थानीय निवासी रंजन कुमार कहले कि ‘औरांगाबाद जिला प्रशासनो एह मामला में उदासीन लउकऽता।’ तीर्थयात्रियन के सुविधा खातिर पीये के पानी आ चेंजिंग रूम के इंतजाम होखे के चाहीं। बाकिर अबकी बेर एहिजा कुछुओ लउकत नइखे।
आवे वाला यात्रियन के कवनो दिक्कत के सामना ना करे के पड़ी : डीएम
हालांकि जिला मजिस्ट्रेट श्रीकांत शास्त्री कहले कि यात्री के कवनो प्रकार के परेशानी के सामना ना करे दिहल जाई। श्रीकांत शास्त्री कहले, ‘भक्त लोग के आवे से पहिले इहाँ सब इंतजाम हो जाई। आवे वाला यात्रियन के एहिजा कवनो तरह के समस्या के सामना ना करे के पड़ी।
