अक्षय कुमार आजुकाल्ह अपना हालिया रिलीज ओएमजी 2 के बारे में चरचा में बाड़न। हालही में एह अभिनेता के बारे में एगो अउरी बड़हन अपडेट आवत बा। कहल जा रहल बा कि एह अभिनेता के ‘वेलकम’ के तिसरका भाग में देखल जाई। हाल ही में ‘वेलकम 3’ के लेके एगो बड़हन घोषणा भइल रहे। बतावल गइल कि ई फिलिम ‘वेलकम टू जंगल’ नाम से साल 2024 में क्रिसमस के मउका पs सिनेमाघरन में रिलीज होखी। अब एह फिलिम के स्टारकास्ट पs चर्चा तेज हो गइल बा। बतावल जात बा कि अक्षय के साथे रवीना टंडन के भी एह फिलिम में देखे के मिली।
अक्षय-रवीना के जोड़ी फेर से देखे के मिली
मीडिया रिपोर्ट के मुताबिक फिल्म ‘वेलकम 3’ में अक्षय कुमार के संगे रवीना टंडन के देखे के चर्चा में आग लाग गईल बा। अक्षय कुमार आ रवीना टंडन साल 2004 के फिलिम ‘आन: मेन एट वर्क’ में एक साथे काम कइले रहलें। ‘फिल्मफेयर’ में प्रकाशित एगो रिपोर्ट के मुताबिक, 19 साल बाद एक बेर फेर दुनो लोग एक संगे देखे वाला बाड़े। वैसे त बता दीं कि अक्षय कुमार आ रवीना टंडन के अफेयर के बात भी सुर्खियन में रहे। बाद में दुनु जने के राह अलग हो गइल. जबकि अक्षय कुमार के बियाह ट्विंकल से भईल, रवीना के बियाह अनिल थडानी से भईल।
एह फिलिमन में ई जोड़ी एक संगे देखल गइल
बतावत बानी कि अक्षय कुमार आ रवीना टंडन के जोड़ी काफी हिट रहल। दुनु जने एक संगे कई गो सुपरहिट फिलिम भी दे चुकल बाड़े। ‘टिप टिप बरसा पानी’ आजुओ सुपरहीरो बा। अक्षय कुमार आ रवीना टंडन के जोड़ी ‘मोहरा’, ‘मैं खिलाडी तू अनारी’, ‘खिलाड़ियों का खिलाडी’ ‘बारूद’ आ अउरी कई गो फिलिमन में मिलजुल के काम कइले बाड़े।
फिल्म के कलाकारन में फेरबदल होखी
‘वेलकम 3’ के बात कइल जाव त फिल्म के स्टार कलाकारन के बारे में बहुते खबर आवत बा। हालही में खबर आइल रहे कि अबकी एह फिलिम में नाना पटेकर आ अनिल कपूर ना होखीहें बाकिर ओह लोग के जगहा संजय दत्त आ अरशद वारसी के जोड़ी देखे के मिली। एकरा अलावे इहो कहल जा रहल बा कि अबकी बेर एह फिलिम में सुनील शेट्टी आ बॉबी देओल के भी आपन मजबूत अभिनय कौशल फइलावत देखल जा सकेला।
