लखनऊ के बीकेटी क्षेत्र के पाल रेस्टोरेंट में राम मंदिर आ बीकेटी थाना के बम से उड़ाने के धमकी भरल दु पत्र मिलल बा। पुलिस के संगही सुरक्षा एजेंसी एकर जांच कइल जा रहल बा। पत्र में जवना महिला के नाम आ मोबाइल नंबर लिखल बा, ओकरा शिकायत पs पुलिस अज्ञात के खिलाफ एफआईआर दर्ज कइले बा।
बीकेटी इंस्पेक्टर के मोताबिक दु दिन पहिले बरगदी पुलिया पs धमकी भरल पत्र मिलल रहे। ओह पत्र में वही महिला के नाम आ मोबाइल नंबर लिखल रहे। ममिला के जांच कइल जा रहल बा।
देवी-देवता के आपत्तिजनक फोटो बना वायरल कइलस
देवी-देवता के फोटो के एडिट कs के आपत्तिजनक बनाके सोशल मीडिया पs वायरल करे के ममिला सुक के सामने आइल बा। हिंदू संगठन आ करणी सेना बीकेटी पुलिस से कार्रवाई के मांग कइले बा।
बीकेटी के रामपुर वार्ड निवासी सभासद विकास सिंह के मोताबिक स्वामी मुकेशानंद महराज के मुखार बिंदु से रामकथा नामक व्हाट्सएप ग्रुप में बीकेटी के हाजीपुर गांव निवासी जुवक जुड़ल बा।
आरोप बा कि जुवक बजरंगबली के फोटो एडिट कs के ओकरा के आपत्तिजनक बनाके सोशल मीडिया पs वायरल कs दिहल। बीकेटी इंस्पेक्टर राणा राजेश कुमार सिंह बतवलें कि सभासद के तहरीर पs एफआईआर दर्ज कइल गइल बा।
