नई दिल्ली : बॉलीवुड एक्ट्रेस नुसरत भरूचा के बाली में भइल एक्सीडेंट के बाद अब इलाज खातिर मुंबई ले आइल गइल बा। हादसा के बाद एक्ट्रेस के पहिला वीडियो सामने आइल बा, जवन सोशल मीडिया पर तेजी से वायरल हो रहल बा। वीडियो में नुसरत स्ट्रेचर पर लेटल देखाई देत बाड़ी आ अपना परिवार के लोग से इशारा के जरिए बातचीत करत नजर आ रहल बाड़ी। उनका हालत के देख के फैंस काफी चिंतित हो गइल बाड़ें।
एयर एम्बुलेंस से भारत लिआइल गएली नुसरत
बाली में एक्सीडेंट के बाद नुसरत भरूचा के इलाज खातिर एयर एम्बुलेंस से मुंबई लिआइल गइल। एयरपोर्ट पर मेडिकल टीम आ अधिकारी स्ट्रेचर पर लेटल एक्ट्रेस के एम्बुलेंस तक पहुंचावे में मदद करत नजर आइलें। वायरल वीडियो में नुसरत के नाक में नेजल कैन्युला लागल देखाई देत बा। मेडिकल टीम लगातार उनकर निगरानी करत रहल।
वीडियो में एक्ट्रेस स्ट्रेचर पर लेटल बाड़ी आ परिवार के सदस्यन से इशारा के जरिए कुछ बतियावत देखाई देत बाड़ी। हादसा के बाद सामने आइल ई पहिला वीडियो ह, जेकरा चलते सोशल मीडिया पर उनका स्वास्थ्य के लेके चर्चा तेज हो गइल बा।
परिवार आ करीबी लोग भी रहलें साथ
नुसरत के एह मुश्किल समय में उनका परिवार के सदस्य आ कुछ करीबी लोग भी साथ रहलें। बाली से मुंबई तक ले आवे के दौरान मेडिकल टीम उनकर पूरा देखभाल करत रहल। वीडियो सामने अइला के बाद नुसरत के चाहने वाला लोग उनका जल्द स्वस्थ होखे खातिर दुआ कर रहल बा।
सोशल मीडिया पर फैंस लगातार एक्ट्रेस के स्वास्थ्य के लेके चिंता जाहिर करत बाड़ें। लोग उम्मीद कर रहल बा कि इलाज के बाद नुसरत जल्दी स्वस्थ होके अपना सामान्य जिंदगी में वापस लौटिहें।
मुंबई में होई रीढ़ के हड्डी के सर्जरी
जानकारी के मुताबिक, एक्सीडेंट में नुसरत भरूचा के रीढ़ के हड्डी में फ्रैक्चर भइल बा। बाली के स्थानीय अस्पताल में प्राथमिक इलाज के बाद अब उनका आगे के इलाज खातिर मुंबई लिआइल गइल बा। मुंबई में डॉक्टर पहिले उनका चोट के गंभीरता के समझे खातिर जरूरी जांच करीहें। एह जांच के बाद सर्जरी के संबंध में अंतिम फैसला लिहल जाई।
नुसरत कुछ दिन पहिले काम के सिलसिला में बाली गइल रहली। ओही दौरान उनका साथे ई हादसा भइल। हालांकि एक्सीडेंट आखिर कइसे भइल, एह बारे में अबहीं विस्तृत जानकारी सामने नइखे आइल।
नुसरत के टीम फैंस आ मीडिया से उनका प्राइवेसी के सम्मान करे के अपील कइले बिया। फिलहाल एक्ट्रेस डॉक्टरन के निगरानी में बाड़ी आ उनका इलाज के अगिला चरण मुंबई में शुरू होखे वाला बा।
Read More : छाप 3.0: मोबाइल में उलझल युवा पीढ़ी के किताब आ साहित्य से जोड़े के अनूठा पहल
No comments yet. Be the first to comment!