सीवान में बीतल 24 घंटा से बिजली गुल बा। एकरा कारण लोगन के बहुते परेसानी के सामना करे के पड़ रहल बा। स्थानीय लोग कहलें कि बुध के सबेरे भइल बरखा के संगही बिजली कट गइल रहे। एकरा 24 घंटा बादो बिजली नइखे आइल। शहरी आ ग्रामीण दुनों क्षेत्र के इहे हाल बा।
एकरा संगही लोगन के आरोप बा कि बिजली कटला के संगही बिजली विभाग के कर्मी आ अधिकारी फोन बंद कs देत बा लो। जब कबो बिजली में कवनो फॉल्ट होत बा तुरंत फोन कs के जवाब देहल बंद कs देत बा। ओहिजा बिजली विभाग के एगो कर्मी बतवलें कि सीवान मेन ग्रिड में हाई वोल्टेज अइला से पावर कट हो गइल बा।
एकरा अलावे दारौंदा बिजली विभाग के कनीय अभियंता दीपक कुमार बतवलें कि कर्मी लागल बा। जल्दिये बिजली सप्लाई सुरू कs दिहल जाई। बिजली ना होखला के कारण कइयन लोग जनरेटर के मदद से टंकी में पानी चढ़वला के संगही आउर काम करत नजर आई लो।
