IND vs WI : केतना बजे सुरू होई भारत-वेस्टइंडीज के पहिला वनडे, सही टाइम नोट कs लीं, ना तs छूट जाई मैच

सेंट्रल डेस्क। भारत आ वेस्टइंडीज के बीच वनडे सीरीज सुरू होखे में अब कुछे समय बाकी बा। वेस्टइंडीज के टीम शे होप के कप्तानी में भारत पहुंच के तइयारी सुरू कs देले बिया। ओहिजा टीम इंडिया शुभमन गिल के कप्तानी में मुकाबला खातिर वेन्यू पs पहुंच गइल बिया।

भारत आ वेस्टइंडीज के बीच पहिला वनडे मुकाबला 27 सितंबर, अतवार के तिरुवनंतपुरम में खेलल जाई। मैच सुरू होखे से पहिले एक बात जानल बहुते जरूरी बा कि मुकाबला के सुरुआत केतना बजे होई आ टॉस के समय का बा।

भारत-वेस्टइंडीज पहिला वनडे कब आ केतना बजे?

भारत आ वेस्टइंडीज के बीच पहिला वनडे 27 सितंबर के दुपहरिया 2 बजे से सुरू होई। मैच से आधा घंटा पहिले माने 1:30 बजे टॉस होई। दुपहरिया 2 बजे पहिला गेना डालल जाई। ई 50 ओवर के मुकाबला होखे वाला बा, एकरा से जदि पूरा मैच खेलल गइल तs करीब साढ़े सात से आठ घंटा तक चल सकेला। एह इस्थिति में मुकाबला रात करीब 10 बजे तक खिंच सकेला।

तीन वनडे आ पांच टी20 के सीरीज

वेस्टइंडीज के टीम भारत दौरा पs आइल बिया। दौरा में पहिले तीन वनडे मैच के सीरीज खेलल जाई। एकरा बाद दुनो टीम के बीच पांच टी20 इंटरनेशनल मुकाबला खेलल जाई।

पहिला वनडे के लेके दर्शकन में खासा उत्साह बा, काहेकि भारत के दिग्गज बल्लेबाज रोहित शर्मा आ विराट कोहली मैदान पs नजर आ सकेला लो। दुनो खिलाड़ी के बल्लेबाजी पs क्रिकेट प्रशंसकन के खास नजर रही।

वनडे सीरीज खातिर भारत के टीम

शुभमन गिल (कप्तान), रोहित शर्मा, विराट कोहली, रुतुराज गायकवाड़, केएल राहुल (उपकप्तान), ध्रुव जुरेल, नीतीश कुमार रेड्डी, रवींद्र जडेजा, कुलदीप यादव, प्रसिद्ध कृष्णा, गुरनूर बराड़, मोहम्मद सिराज, औकिब नबी, यशस्वी जायसवाल आ नमन धीर।

वनडे सीरीज खातिर वेस्टइंडीज के टीम

शे होप (कप्तान), ज्वेल एंड्रयू, जॉन कैंपबेल, कीसी कार्टी, रोस्टन चेस, मैथ्यू फोर्ड, जस्टिन ग्रीव्स, आमिर जांगू, अल्जारी जोसेफ, शमर जोसेफ, विटेल लॉज, गुडाकेश मोटी, कीमो पॉल, शेरफेन रदरफोर्ड आ जेडन सील्स।

Read Also: काम के खबर: 26 से 30 सितंबर ले लगातार 4 दिन बैंक बंद, खाली रविवार के खुली काउंटर