झांसी। उत्तर प्रदेश के झांसी में माफिया अतीक अहमद के छोट बेटा अबान अहमद के सड़क हादसा के वीडियो सामने आइल बा। पूंछ थाना क्षेत्र में भइल एह हादसा में अबान अहमद के मौत हो गइल रहे। हादसा के पूरा घटनाक्रम पीछे से आ रहल एगो कार के डैशबोर्ड कैमरा में रिकॉर्ड हो गइल।
वीडियो में देखाई देत बा कि तेज रफ्तार क्रेटा कार अचानक अनियंत्रित होके सड़क के डिवाइडर से जोरदार टकरा गइल। टक्कर अतना तेज रहे कि कार कइयन फीट हवा में उछल गइल आ फेर सड़क पs जा गिरल।
तेज रफ्तार क्रेटा अचानक भइल बेकाबू
डैशबोर्ड कैमरा के फुटेज में हादसा से कुछ पल पहिले क्रेटा कार सामान्य रूप से सड़क पs आगे बढ़त देखाई देत बा। अचानक कार के संतुलन बिगड़ जात बा आ ऊ बेकाबू होके डिवाइडर के ओर बढ़े लागेला।
कुछे सेकेंड में क्रेटा डिवाइडर से जोरदार टक्कर मार देलस। टक्कर के बाद कार हवा में कइयन फीट ऊपर उछल जाले आ सड़क पs जा गिरेले।
टक्कर के बाद कार के अगिला हिस्सा बुरा तरे टूटल
हादसा अतना जबरदस्त रहे कि क्रेटा कार के अगिला हिस्सा गंभीर रूप से क्षतिग्रस्त हो गइल। वीडियो में टक्कर के बाद कार सड़क पs गिरत साफ देखाई देत बा।
हादसा के समय पीछे से गुजरत एगो कार के डैशबोर्ड कैमरा पूरा घटना के रिकॉर्ड कs लेलस। अब ई फुटेज दुर्घटना के भयावहता के सामने ले आ रहल बा।
हादसा के बाद सड़क पs जुटल भीड़
दुर्घटना के तुरंत बाद आसपास के लोग मवका पs जुट गइल। सड़क पs अफरा-तफरी मच गइल। रिपोर्ट के मोताबिक, अबान अहमद हादसा के बाद कुछ समय तक गंभीर हालत में सड़क पs पड़ल रहलें।
बाद में उनका के इलाज खातिर अस्पताल ले जाइल गइल, जहां डॉक्टर उनका के बचा ना सकल लोग। हादसा के सही कारण के लेकर पुलिस जांच कs रहल बिया।
डैशबोर्ड कैमरा में कैद भइल पूरा घटनाक्रम
सामने आइल वीडियो में हादसा के हर महत्वपूर्ण पल रिकॉर्ड बा। पहिले क्रेटा कार सड़क पs आगे बढ़त दिखाई देत बिया, फेर अचानक कार बेकाबू हो जात बिया। कुछे पल में ऊ डिवाइडर से टकरा के हवा में उछल जात बिया।
