सेना भर्ती खातिर वाराणसी सिटी अउर सहजनवां के बीच चली दू जोड़ी विशेष ट्रेन

अग्निवीर अभ्यर्थियन के सुविधा खातिर पूर्वोत्तर रेलवे दू जोड़ी विशेष ट्रेनें चलाई। पूर्वोत्तर रेलवे ई विशेष ट्रेन वाराणसी सिटी अउर सहजनवां के बीच चलावे के निर्णय कइले बा।

05109/05110 वाराणसी सिटी-सहजनवां-वाराणसी सिटी विशेष गाड़ी 15 से 20 नवंबर ले अउर 05111 वाराणसी सिटी-सहजनवां विशेष गाड़ी 15 से 20 नवंबर तक अउर 05112 सहजनवां-वाराणसी सिटी विशेष गाड़ी 16 से 21 नवंबर ले चलावल जाई।

फलस्वरूप 05109 वाराणसी सिटी-सहजनवां विशेष गाड़ी 15 से 20 नवंबर ले वाराणसी सिटी से 05:15 बजे प्रस्थान कs के 12:00 सहजनवां पहुंची जबकि, 05110 सहजनवां-वाराणसी सिटी विशेष गाड़ी 15 से 20 नवंबर तक सहजनवां से अपराह्न एक बजे प्रस्थान कs के रात आठ बजे वाराणसी सिटी पहुंची।

05111 वाराणसी सिटी-सहजनवां विशेष गाड़ी 15 से 20 नवंबर ले वाराणसी सिटी से साँझ 7:30 बजे प्रस्थान कर दूसरे दिन तड़के 03:00 बजे सहजनवा पहुंची। जबकी 05112 सहजनवां-वाराणसी सिटी विशेष गाड़ी 16 से 21 नवंबर ले सहजनवां से भोरे 04:00 बजे प्रस्थान कs के 11:00 बजे वाराणसी सिटी पहुंची।

पूर्वोत्तर रेलवे के मुख्य जनसंपर्क अधिकारी पंकज कुमार सिंह बतवलें कि ई विशेष गाड़ी अपने यात्रा मार्ग में सारनाथ, औंड़िहार, सादात, जखनिया, दुल्लहपुर, मऊ, बेलथरा रोड, लाररोड, सलेमपुर, भटनी, देवरिया सदर, गौरी बाजार, चौरी-चौरा अउर गोरखपुर स्टेशन पs रुकी।